C 朗

C 朗 曾在被訪問中提起過，在眾人操練完畢後，他仍會繼續單人操多近倍時間，所以他的技術了得，不是秘密，是苦練後的成果。情況一如今天的武術，新一代 大多喜吹水，咀炮。 我等上一代，付出的艱苦鍛練，通常是他們的三倍多。因為今人 多將時間放在 手機上。我常以初學太極拳為例，我們上一代，是要練六個月馬步 才許開始學拳。洪拳等的外家拳 往往是要紮一年以上的馬步。 八卦掌是要天天走蹚泥步。沒有好的基本功，什麼也談不上好成就。 香港的足球員，本身就沒有很艱苦的訓練。所以被 C朗等的名將 比了下去而已。 C朗「火星金球」征服歐洲！昨晨歐聯8強首回合重頭戲，皇家馬德里作客輕描淡寫3比0大破祖雲達斯，殺入4強大局已定。梅開二度嘅C朗今仗光芒四射，轟入靚爆倒掛金鈎震撼球壇，表現有如「唔係人類」，連祖雲達斯門神保方都話輸得心服口服，改寫歐聯入球紀錄

皇馬雖然作客，開波就反客為主，C朗3分鐘快射先開紀錄。換邊後，再接應丹尼爾卡華積傳中，施展超靚倒掛建功，連祖記Fans都鼓掌。主隊之後再有保羅戴巴拿2黃1紅被逐，打少個下喺72分鐘再被馬些路攻陷，最終皇馬大數3比0 保方賽後：「再一次睇到C朗係咩料，佢同美斯水平係超乎現實，就好似馬納當拿同比利。慘敗令我失望 但當面對某啲對手，你一早就知道對手比自己強。」 觸球點達2.38米貼住門楣 C朗嘅超級倒掛金鈎有姿勢有實際，除咗入楔時間、埋門觸覺、射波技術都完美無暇外，據西班牙《馬卡報》分析，C朗仲展現出佢超乎常人嘅騰空力同彈跳力。喺C朗射門嗰一刻，佢嘅身體同地面幾乎係平行，背脊離地面有1.41米，至於C朗施展倒掛嘅黃金右腳，觸球點更加高達2.38米，報道指出龍門門楣嘅高度都只不過係2.44。！

「大帝」占士彈佢太屈機 唔少體壇名人都認定C朗「非人類」，好似前皇馬球星艾比路亞就話：「C朗應該離開地球，佢可以去同火星人鬥波，因為喺地球上佢已經征服晒所有嘢。」就連NBA「大帝」勒邦占士都喺社交網留言，「批評」C朗屈機：「你點會覺得唔精彩！C朗太討厭啦！」

#社會與哲學 #太極拳與內家拳 #外家拳